Egilea: Xabier Amuriza.
Atsegin on bat
hartuko dutela
badakidan batzuei.
AGRIPINA
– Ni, Agripina. – Zu zara, beraz… – Erromatar Inperioko emakumerik inportanteena. – Izatea ondo dago, baina norberak esan! –hots egiten dut. – Zer dago txarto? Alderantziz legoke arazoa. – Zein da zure izate horren funtsa? – Augustoren birbiloba, Tiberioren biloba, Germanikoren alaba, Kaligularen neba, Klaudioren iloba eta emaztea, Neronen ama. – Zerrendan ez al dira batzuk falta, adibidez, Galba? – Ez dakit zergatik aipatu behar nuen hori –muzintzen Agripina. – Ez al zinen berarekin katigatzen saiatu? Nahiko lotsagabeki, gainera? – Ez nuen ezer galdu! –Agripinak, katu-keinu zimurrez. – Zerbait usnatu zenuen, gero enperadore izango baitzen, zazpi hilabetez. – Zazpi hilabetez bakarrik? –espantu Agripinak, benetako ezustean.
Irakurtzen jarraitzeko, jaitsi ezazue liburua honako botoi hauen bidez: